थप ३५५६ जनामा कोरोना संक्रमण, १५०३ जना डिस्चार्ज
काठमाडौं । नेपालमा मंगलबार थप तीन हजार ५५६ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका बिभिन्न स्थानमा गरिएको परीक्षणका क्रममा थप तीन हजार ५५६ जनामा कोरोना पुष्टि भएको हो । काठमाडौं उपत्यकामा थप २१२९ जनामा कोरोना पुष्टि भएको छ ।
मन्त्रालयका प्रवक्ता डाक्टर जागेश्वर गौतमका अनुसार काठमाडौमा एक हजार सात सय ४६, भक्तपुरमा एक सय ६७ र ललितपुरमा दुई सय २६ जनामा कोरोना भाइरसको सङ्क्रमण देखिएको हो । यो संगै नेपालमा कोरोना संक्रमितको संख्या १ लाख १५ हजार ३५८ पुगेको छ । त्यस्तै कोरोनाका कारण थप १८ जनाको मृत्यु भएको छ । यो संगै नेपालमा कोरोना कारण ज्यान गुमाउनेको संख्या ६६३ पुगेको छ ।
त्यस्तै मंगलबार थप १५०३ जना डिस्चार्ज भएका छन् । योसंगै नेपालमा कोरोना निको हुनेको संख्या ७८ हजार ७८० पुगेको छ । हाल सक्रिय संक्रमितको संख्या ३५ हजार ९१५ जना रहेको स्वास्थ्य मन्त्रालयका प्रवक्ता गौतमले जानकारी दिए ।
त्यस्तै होम आइशोलेशनमा २० हजार ८६७ जना रहेका छन् भने संस्थागत आइशोलेशनमा १५ हजार ४८ जना रहेका छन् । त्यस्तै क्वारेन्टाइनमा ४ हजार ७९५ हजार जना रहेका छन् । त्यस्तै हालसम्म १२ लाख ७ हजार ९१ वटा पिसिआर भएको मन्त्रालयले जनाएको छ ।
