थप ४ हजार ३६४ जनामा कोरोना संक्रमण, २६७५ जना डिस्चार्ज
काठमाडौं । नेपालमा पछिल्लो २४ घण्टामा थप ४३६४ जनामा कोेरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालमा गरिएको परीक्षणमा थप ४३६४ जनामा संक्रमण पुष्टि भएको हो ।
काठमाडौंमा २०८५, भक्तपुरमा १३५ र ललितपुरमा ३२० जनामा संक्रमण पुष्टि भएको छ । त्यस्तै पछिल्लो २४ घण्टामा आठ पुरुष र चार महिला गरी थप १२ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ५९० पुगेको छ । पीसीआर विधिबाट १८,४७३ जनाको नमुना परीक्षण गरिएको छ ।
क्वारेन्टाइनमा ४४६० जना रहेका छन् । आइसोलेसनमा २६,६८४ जना सक्रिय संक्रमित रहेका छन् । बिहीबार थप २६७५ जना डिस्चार्ज भएका छन् । योसँगै डिस्चार्ज हुनेको संख्या ७१,३४३ पुगेको मन्त्रालयले जनाएको छ । आइसियूमा २३५ र भेन्टिलेटरमा ४२ जनाको उपचार भइरहेको छ ।
