डा. केसीका पक्षमा माइतीघरमा प्रदर्शन(फोटोफिचर)
काठमाडौं । चिकित्सा शिक्षा सुधारको माग गर्दै अनसनमा बसेका डा. गोविन्द केसीको पक्षमा शुक्रबार पनि काठमाडौंको माइतीघरमा प्रदर्शन गरिएको छ । ‘सोलिडारिटी फर डा. केसी एलायन्स’ ले केसीकोसमर्थनमा काठमाडौंको माइतीघरमा प्रदर्शन गरेको हो ।
प्रदर्शनमा सहभागीहरुलाई प्रहरीले माइतीघरको मुख्य क्षेत्रमा प्रवेश लागि भने रोक लगाएको थियो । उनीहरुले अदालतले समेत विरोधमा रोक नलगाएको अवस्थामा काठमाडौंका प्रमुख जिल्ला अधिकारीको मौखिक निर्देशनमा माइतीघरको मुख्य क्षेत्रमा प्रवेशमा रोक लगाएको भन्दै आपत्ति जनाएका थिए ।
प्रदर्शनमा सहभागीहरुले डा. केसीको माग पुरा गर्दै उनको जीवनरक्षाको माग गरेका थिए । डा. केसीले अघि सारेका कोरोना भाइरस (कोभिड(१९) को पीसीआर परीक्षण व्यापक बनाउनुपर्ने, निःशुल्क गुणस्तरीय शिक्षा र स्वास्थ्यमा समान पहुँचको सुनिश्चिता हुनुपर्नेलगायतका माग पुरा गर्नुपर्ने प्रदर्शनमा सहभागीहरुको भनाई छ ।
विगतमा भएका सम्झौता अक्षरसः कार्यान्वयन भएको भन्दै डा केसीले जुम्लाको चन्दननाथ नगरपालिका ६ रानीचौरस्थित बामिरामष्ट मन्दिरमा सत्याग्रह सुरु गरेका थिए । अनसनकै क्रममा उनी काठमाडौं आएका छन् । हाल उनी शिक्षण अस्पतालमा सत्याग्रहमा छन् ।