विश्वमा एकैदिन २ लाख ४१ हजार भन्दा बढी मानिस कोरोना संक्रमणमुक्त
विश्वभर महामारीको रुपमा फैलिएको कोरोना भाइरस सङ्क्रमितमध्ये २ करोड २५ लाख भन्दाबढी उपचार पछि निको भएर घर फर्किएका छन् ।
विश्वका २ सय १६ देशमा फैलिएको कोरोना सङ्क्रमितमध्ये २ करोड २५ लाख ८३ हजार ३ सय भन्दाबढी उपचार पछि निको भएर घर फर्किएका हुन् । एकैदिन २ लाख ४१ हजार १२१ मानिस कोरोना संक्रमणमुक्त भएका छन् । निको हुनेको यो संख्या कुल संक्रमितको ७१ प्रतिशत हो ।
चिनको वुहानमा गत वर्षको डिसेम्बर अन्तिममा देखिएको भाईरसबाट हाल विश्वका ३ करोड ९ लाख ८३ हजार ९ सय भन्दाबढी संक्रमित भएका छन् । पछिल्लो २४ घण्टामा २ लाख ९० हजार ३ सय भन्दा बढीमा संक्रमण पुष्टि भएको छ भने ५ हजार १३३ जनाको मृत्यु भएको छ । कोरोना संक्रमणका कारण विश्वभर मृत्यु हुनेको संख्या ९ लाख ६१ हजार ४ सय पुगेको वल्डोमिटरमा उल्लेख छ।
संक्रमितमध्ये ७४ लाख ३९ हजार २ सयभन्दाबढी विभिन्न अस्पतालमा उपचाररत छन् भने ६१ हजार ३ सय बढीको अवस्था गम्भीर रहेको छ । यस्तै, कोरोनाबाट सबैभन्दा बढी प्रभावित अमेरिकामा ६९ लाख ६७ हजार ४ सय भन्दाबढी सङ्क्रमित भएका छन् । संक्रमितमध्ये ४२ लाख २३ हजार ६ सय भन्दाबढी निको भएका छन् भने २ लाख ३ हजारको ज्यान गएको छ ।
यसैगरी छिमेकी मुलुक भारतमा पछिल्लो २४ घण्टामा ९२ हजारभन्दा बढीमा संक्रमण पुष्टि भएसँगै संक्रमितको संख्या संक्रमितको संख्या ५३ लाख ९८ हजार २३० पुगेको छ । संक्रमितमध्ये अहिलेसम्म ४२ लाख ९९ हजार ७२४ जना संक्रमणमुक्त भएका छन् भने १० लाख ११ हजार ७३२ जनाको उपचार भइरहेको छ । कोरोना संक्रमणका कारण मृत्यु हुनेको संख्या ८६ हजार ७७४ रहेको छ ।
ब्राजिलमा कोरोना भाइरसबाट सङ्क्रमित हुनेको संख्या ४५ लाख २८ हजार ३ सय ४७ पुगेको छ भने १ लाख ३५ हजार ५ सय बढीको मृत्यु भएको छ । संक्रमितमध्ये ३८ लाख २० हजार भन्दा बढी निको भएका छन् ।