थप २०२० जनामा कोरोना संक्रमण पुष्टि, ८७१ जना डिस्चार्ज
काठमाडौं । नेपालमा पछिल्लो २४ घण्टामा थप २०२० जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा एकैदिन अहिलेसम्मकै धेरै २०२० जनामा संक्रमण पुष्टि भएको हो । काठमाडौंमा ६९८, भक्तपुरमा ८२ र ललितपुरमा थप ७९ जनामा संक्रमण पुष्टि भएको छ ।
पीसीआर विधिबाट ११,४५८ जनाको नमुना परीक्षण गरिएको छ । क्वारेन्टाइनमा ७,७३६ जना रहेका छन् । आइसोलेसनमा १७ हजार ३८३ जना सक्रिय संक्रमित रहेका छन् । शुक्रबार थप ८७१ जना डिस्चार्ज भएका छन् ।
योसँगै डिस्चार्ज हुनेको संख्या ४३,८२० पुगेको मन्त्रालयले जनाएको छ । पछिल्लो २४ घण्टामा पाँच पुरुष र दुई महिला गरी थप सात जनाको कोरोना संक्रमणबाट मृत्यु भएको छ । योसँगे मृत्यु हुनेको संख्या ३९० पुगेको छ ।
