संसदीय समितिको टोली अनुगमनका लागि राष्ट्रिय जनस्वास्थ्य प्रयोगशाला पुग्दा…

काठमाडौं । संसदको शिक्षा तथा स्वास्थ्य समिति अन्तर्गतको कोभिड १९को सम्बन्धमा सरकारले गरेका कामकारवाहीको अनुगमन गर्न गठित उपसमितिले राष्ट्रिय जनस्वास्थ्य प्रयोगशाला, टेकुको अनुगमन गरेको छ । कोरोना महामारीका बेला कोरोना परीक्षणको अवस्था र देखिएका समस्याका बारेमा छलफल गर्दै उपसमितिले जनस्वास्थ्य प्रयोगशालाको अनुगमन गरेको हो ।

अनुगमनका क्रममा राष्ट्रिय जनस्वास्थ्य प्रयोगशालाका अधिकारीहरुले प्रयोगशालाको हालको अवस्था, दैनिक परीक्षण क्षमता लगायतकाबारेमा जानकारी गराएका थिए । अनुगमनका क्रममा उपसमितिका संयोजक जीवनराम श्रेष्ठले कोरोना परीक्षण शुल्क फरक फरक हुँदा जनमानसमा आशंका पैदा भएको बताए । सरकारले ४४ सय रुपैयाँ र निजीले २५ रुपैया लिनुको कारणबारे स्पष्ट पार्नुपर्ने बताए । त्यस्तै उनले देशभरका प्रयोगशालाको संख्या बढ्दै गएको यसको प्रभावकारितामा बिशेष ध्यान दिनुपर्ने उल्लेख गरेका छन् ।

त्यसक्रममा राष्ट्रिय जनस्वास्थ्य प्रयोगशाला, टेकुकी निर्देशक डा. रुना झाले कोरोना परीक्षणका क्रममा उपलव्ध स्रोत सामग्रीको अधिकतम प्रयोग गरिएको जानकारी दिइन् । उनले छिटो रिपोर्ट आउने पोर्टेवल परीक्षण मेसिनको प्रभावकारी कम भएकाले प्रयोग नगरिएको बताइन् ।
उपसमितिले कोभिड १९को सम्बन्धमा सरकारले गरेका कामकारवाहीको बारेमाा निरन्तर सरोकारवालासँग पनि छलफल गर्दै आएको छ ।