काठमाडौंमा २९० सहित थप ९८० जनामा कोरोना संक्रमण
काठमाडौं । नेपालमा पछिल्लो २४ घण्टामा थप ९८० जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ९८० जनामा संक्रमण पुष्टि भएको हो ।
काठमाडौंमा २९०, भक्तपुरमा ३२ र ललितपुरमा ३२ जनामा संक्रमण पुष्टि भएको छ । पछिल्लो २४ घण्टामा पीसीआर विधिबाट १०,३८२ जनाको नमुना परीक्षण गरिएको छ । क्वारेन्टाइनमा ४७०३ जना छन् । आइसोलेसनमा १७,०२७ जना सक्रिय संक्रमित रहेका छन् । आइतबार थप १८१४ जना डिस्चार्ज भएका छन् । योसँगै डिस्चार्ज हुनेको संख्या २८,९४१ पुगेको मन्त्रालयले जनाएको छ ।
