काठमाडौंमा ३८६ सहित थप १३५९ जनामा कोरोना संक्रमण
काठमाडौं । नेपालमा पछिल्लो २४ घण्टामा थप १३५९ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप १३५९ जनामा संक्रमण पुष्टि भएको हो ।
काठमाडौंमा ३८६, भक्तपुरमा ३६ र ललितपुरमा ३२ जनामा संक्रमण पुष्टि भएको छ । योसँगै कोरोना संक्रमितको संख्या ४४,२३६ पुगेको छ । पछिल्लो २४ घण्टामा पीसीआर १३,६३८ जनाको नमुना परीक्षण गरिएको छ । क्वारेन्टाइनमा ६,५६१ जना रहेका छन् ।
आइसोलेसनमा १८,४०४ जना सक्रिय संक्रमित रहेका छन् । शुक्रबार थप १३५४ जना डिस्चार्ज भएका छन् । योसँगै डिस्चार्ज हुनेको संख्या २५,५६१ पुगेको मन्त्रालयले जनाएको छ । आइसियूमा १५१ जना र भेन्टिलेटरमा २६ जनाको उपचार भइरहेको छ ।
