काठमाडौंमा १९९ सहित थप ८५५ जनामा कोरोना संक्रमण
काठमाडौं । नेपालमा पछिल्लो २४ घण्टामा थप ८५५ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ८५५ जनामा संक्रमण पुष्टि भएको हो ।
काठमाडौंमा १९९ जनामा, भक्तपुरमा १४ र ललितपुरमा १९ जनामा संक्रमण पुष्टि भएको छ । योसँगै कोरोना संक्रमितको संख्या ३३,५३३ पुगेको छ । पछिल्लो २४ घण्टामा पीसीआर विधिबाट ११,३२७ जनाको नमुना परीक्षण गरिएको छ । क्वारेन्टाइनमा १०,४५३ जना रहेका छन् । आइसोलेसनमा १४,२५० जना सक्रिय संक्रमित रहेका छन् । मंगलबार थप ३१३ जना डिस्चार्ज भएका छन् ।
