थप ७०७ जनामा कोरोना संक्रमण, २६४ जना डिस्चार्ज
काठमाडौं । नेपालमा पछिल्लो २४ घण्टामा थप ७०७ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ७०७ जनामा संक्रमण पुष्टि भएको हो ।
काठमाडौंमा १७४, भक्तपुरमा ८ र ललितपुरमा थप १८ जना गरी काठमाडौं उपत्यकामा बिहीबार थप २०० जनामा संक्रमण पुष्टि भएको छ । पछिल्लो २४ घण्टामा पीसीआर विधिबाट ११,८३२ जनाको नमुना परीक्षण गरिएको छ । क्वारेन्टाइनमा ११,७६८ जना छन् ।
आइसोलेसनमा ११,५५५ जना सक्रिय संक्रमित रहेकमा छन् । बिहीबार थप २६४ जना निको भई डिस्चार्ज भएका छन् । योसँगै डिस्चार्ज हुनेको संख्या १७,९६४ पुगेको छ ।
