कोरोना संक्रमणबाट कपिलवस्तुका ४० वर्षीय पुरुषको मृत्यु
बुटवल । बुटवलस्थित लुम्बिनी प्रादेशिक अस्पतालमा उपचाररत एक जना कोरोना संक्रमितको मृत्यु भएको छ । तीन दिनदेखि अस्पतालमा उपचाररत कपिलवस्तुको मायादेवी गाउँपालिका वडा नम्बर ७ का ४० वर्षीय पुरुषको शनिवार बिहान मृत्यु भएको अस्पतालले जनाएको छ ।
उपचारका लागि अस्पताल आउँदा ती पुरुषको फोक्सोमा समस्या देखिएको थियो । आइसीयुमा राखेर उपचार हुँदै गर्दा उनको मृत्यु भएको अस्पतालका प्रवक्ता डा.विष्णु गौतमले जानकारी दिए । दुईपटक गरिएको पीसीआर परीक्षणमा कोरोना नेगेटिभ देखिएका ति पुरुषको शनिवार बिहान जीन एक्सपट मेशीनमार्फत गरिएको परीक्षणमा कोरोना संक्रमण पुष्टि भएको थियो ।
