थप ५२५ जनामा कोरोना संक्रमण, १०९ जना डिस्चार्ज
काठमाडौं । नेपालमा पछिल्लो २४ घण्टामा थप ५२५ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ५२५ जनामा संक्रमण पुष्टि भएको हो ।
काठमाडौंमा १११, भक्तपुरमा ५ र ललितपुरमा ११ जनामा संक्रमण पुष्टि भएको छ । पछिल्लो २४ घण्टामा पीसीआर विधिबाट ९,८५९ जनाको नमुना परीक्षण गरिएको छ । क्वारेन्टाइनमा १४,७६९ जना छन् । त्यस्तै होम क्वारेन्टाइनमा ४६६ जना रहेका मन्त्रालयले जनाएको छ ।
आइसोलेसनमा ८,०२५ जना सक्रिय संक्रमित रहेका छन् । बिहीबार थप १०९ जना डिस्चार्ज भएका छन् । योसँगै डिस्चार्ज हुनेको संख्या १६,८३७ पुगेको छ । संक्रमणबाट मृत्यु हुनेको संख्या ९५ पुगेको मन्त्रालयले जनाएको छ । मन्त्रालयका अनुसार कोरोना संक्रमितको संख्या २४,९५७ पुगेको छ ।
