हेटौंडास्थित किटजन्य प्रयोगशालामा गरिएको परीक्षणमा थप ३७ जनामा कोरोना संक्रमण
हेटौंडा । बिहीबार मकवानपुरका थप २५ जनामा कोरोना संक्रमण पुष्टि भएको छ । किटजन्य रोग तथा अनुसन्धान तालिम केन्द्र हेटौंडा प्रयोगशालामा गरिएको परीक्षणमा मकवानपुरका थप २५ जनामा कोरोना संक्रमण पुष्टि भएको स्वास्थ्य अधिकृत भोला प्रसाद चौलागाईले जानकारी दिएका छन् ।
प्रयोगशालामा गरिएको परीक्षणमा ३७ जनामा कोरोना संक्रमण पुष्टि भएकोमा मकवानपुरका २५ जना, काठमाडौं र चितवनका एक एक जना तथा १० जना नेपाल प्रहरी रहेका छन् । चौलागाईका अनुसार, मकवानपुरमा थपिएका संक्रमितमध्ये सबैभन्दा धेरै हेटौंडाका रहेका छन् । हेटौंडामा १८ जना कोरोना संक्रमित थपिएका हुन् ।त्यस्तै, मकवानपुरको भीमफेदी गाउँपालिकाका ३, थाहा नगरपालिकाका २ र बकैयाका २ जना कोरोना संक्रमित थपिएका हुन् ।
