असन्तुष्ट पक्षलाई वेवास्ता गर्दै कांग्रेस सभापति देउवाद्वारा १२ विभागमा झण्डै ५ सय सदस्य मनोनित



काठमाडौं । नेपाली कांग्रेसका सभापति शेरबहादुर देउवाले १२ वटा विभागमा करिब पाँच सय पार्टी सदस्यहरुलाई विभागको सदस्यमा मनोनित गरेका छन् । पार्टीका वरिष्ठ नेता रामचन्द्र पौडेल लगायतका असन्तुष्ट पक्षका नेताहरुले विधानको प्राधान अनुसार ६ महिनाभित्र गठन हुन नसकेका विभाग अधिवेशनको अगाडि गर्न नमिल्ने अडान लिँदै नेतृत्वलाई दबाब दिँदै आएपनि सभापति देउवाले आइतबार साँझ १२ वटा विभागमा आफ्नो तर्फबाट सदस्यहरुको मनोनित गरेका हुन् ।

पार्टी कार्यालयका मुख्य सचिव कृष्णप्रसाद पौडेलले जारी गरेको विज्ञप्ति अनुसार, सभापति देउवाले पार्टी विधान, २०१७ (संशोधन सहित) को धारा २५ (९) बमोजिम कांग्रेस केन्द्रीय विभागहरुमा देहायका उपप्रमुख/सचिव/सदस्यहरु मनोनयन गरेका हुन् ।

पार्टी नेता गोपालमान श्रेष्ठको संयोजकत्वमा गठित संगठन विभागको सचिवमा झापाका विनकुमार विश्वकर्मा मनोनित भएपनि उक्त विभागको उपप्रमुखमा कोही पनि नियुक्ति गरिएको छैन ।

नयाँ विधान अनुसार संयोजक सहित ५१ सदस्य रहने विभागमा सभापति देउवाले यसअघि पौडेल पक्षले सहमति जनाएमा पार्टीभित्रको गुटगत हिस्साको आधारमा ६०/४० अर्थात आफ्नो तर्फका ३० जना सदस्य मनोनित गर्ने तयारी गरेका थिए । तर, पौडेल पक्षले विभागमा कुनै सहभागीता नजनाउने बताउँदै विभागको औचित्यमाथि नै प्रश्न उठाएपछि देउवाले अधिकांश विभागमा ४० जनाको हाराहारीमा मनोनित गरेका छन् ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
दुना–टपरी बनाएर मासिक २० हजार आम्दानी

कपिलवस्तु । कपिलवस्तु बाणगङ्गा नगरपालिका–१० पटनाकी दिलकुमारी थापाले दुना–टपरी बेचेर मासिक २० हजार

यो सरकारमा कांंग्रेस सहभागी हुँदैनः उपसभापति खड्का

काठमाडौं । नेपाली कांग्रेसका उपसभापति पूर्णबहादुर खड्काले एमाले सम्मिलित वर्तमान सरकारमा कांग्रेस सहभागी

सन्दीपलाई थुनामै राखेर मुद्दा किनारा लगाउनुपर्ने मागसहित मुद्दाको सुनुवाइ हुँदै

काठमाडौं । नेपाली राष्ट्रिय क्रिकेट टोलीका पूर्वकप्तान सन्दीप लामिछानेलाई थुनामै राखेर मुद्दा किनारा

मलेसियाका गृहमन्त्रीले कामदारको सुरक्षा र सुविधाबारे नेपाली अधिकारीहरुसँग छलफल गर्दै

काठमाडौं । नेपालको प्रमुख श्रम गन्तव्य मुलुक मलेसियाका गृहमन्त्री सैफुद्दिन नासुसन इस्माइल तीनदिने