काठमाडौंमा ७६ सहित थप ३६० जनामा कोरोना संक्रमण पुष्टि
काठमाडौं । नेपालमा पछिल्लो २४ घण्टामा थप ३६० जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ३६० जनामा कोरोना संक्रमण पुष्टि भएको हो । बिहीबार काठमाडौंका थप ७६, भक्तपुरका एक र ललितपुरका दश जनाका कोरोना संक्रमण पुष्टि भएको छ ।
पछिल्लो २४ घण्टामा पीसीआर विधिबाट ६,६२२ जनाको नमुना परीक्षण गरिएको छ । क्वारेन्टाइनमा ९,४७० जना रहेका छन् । आइसोलेसनमा ६,२९६ जना सक्रिय संक्रमित रहेका छन् । बिहीबार निको भई थप २३३ जना डिस्चार्ज भएका छन् । योसँगै डिस्चार्ज हुनेको संख्या १५,३८९ पुगेको मन्त्रालयले जनाएको छ ।त्यस्तै, कोरोना संक्रमणबाट मृत्यु हुनेको संख्या ६५ पुगेको छ ।
