थप १५६ जनामा कोरोना संक्रमण, संक्रमितको संख्या १७,६५८ पुग्यो
काठमाडौं । नेपालमा पछिल्लो २४ घण्टामा थप १५६ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका २७ वटा प्रयोगशालामा गरिएको परीक्षणमा थप १५६ जनामा कोरोना संक्रमण पुष्टि भएको छ । योसँगै कोरोना संक्रमितको संख्या १७,६५८ पुगेको छ । त्यस्तै पछिल्लो २४ घण्टामा पीसीआर विधिबाट ३,७४१ जनाको नमुना परीक्षण गरिएको छ ।
क्वारेन्टाइनमा २२,६६२ छन् भने आइसोलेसनमा ५,९२३ जना रहेका मन्त्रालयले जनाएको छ । त्यस्तै आइतबार ५८ जना डिस्चार्ज भएका छन् । अहिलेसम्म डिस्चार्ज हुनेको संख्या ११,६९५ पुगेको छ । रेडजोनमा ५२८ जना परेका छन् ।
