थप १०१ जनामा कोरोना संक्रमण, संक्रमितको संख्या १७,४४५
काठमाडौं । नेपालमा पछिल्लो २४ घण्टामा थप १०१ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका २७ वटा प्रयोगशालामा गरिएको परीक्षणमा थप १०१ जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको संख्या १७,४४५ पुगेको छ ।
त्यस्तै सक्रिय संक्रमितको संख्या ५८७१ रहेको छ । पछिल्लो २४ घण्टामा पीसीआर विधिबाट ४,६८८ जनाको नमुना परीक्षण गरिएको छ । क्वारेन्टाइनमा २२,७५६ जना रहेका छन् भने आइसोलेसनमा ५,८७१ जना छन् । शुक्रबार कोरोना संक्रमणबाट निको भई २८५ जना डिस्चार्ज भएका छन् । योसँगै अहिलेसम्म कोरोना संक्रमण निको भई डिस्चार्ज हुनेको संख्या ११,५३४ पुगेको मन्त्रालयले जनाएको छ ।