थप १६७ जनामा कोरोना संक्रमण, सक्रिय संक्रमितको संख्या ६,०५६
काठमाडौं । नेपालमा पछिल्लो २४ घण्टामा थप १६७ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका २७ वटा प्रयोगशालामा गरिएको परीक्षणमा थप १६७ जनामा कोरोना संक्रमण पुष्टि भएको हो । योसँगै कोरोना संक्रमितको संख्या १७,३४४ पुगेको छ ।
त्यस्तै पछिल्लो २४ घण्टामा पीसीआर विधिबाट ४,९८१ जनाको नमुना परीक्षण गरिएको छ । क्वारेन्टाइनमा २३,५०० जना छन् भने आइसोलेसनमा ६,०५६ जना रहेका मन्त्रालयले जनाएको छ । त्यसैगरी बिहीबार २१३ जना डिस्चार्ज भएका छन् । योसँगै अहिलेसम्म डिस्चार्ज हुनेको संख्या ११२४९ पुगेको छ । त्यस्तै रेडजोनमा ५२६ जना रहेका मन्त्रालयले जनाएको छ ।