‘सकभर सर्वसम्मति, नभए कमिटीको प्रक्रिया अनुसार छिटोभन्दा छिटो निष्कर्ष निकाल्नुपर्छ’
विष्णु रिजाल ।
संकटबाट गुज्रिरहेको नेकपालाई सुझबुझ, सहमति र एकताका साथ पार लगाउन नेतृत्वले अधिकतम लचकता अपनाउन जरुरी छ । विधानले व्यवस्था गरेबमोजिम सकभर सर्वसहमति, नभए कमिटीको प्रक्रिया अनुसार छिटोभन्दा छिटो निष्कर्ष निकाल्नुपर्छ । कुनै विषयमा कमिटीमा एकमत हुन नसकेमा बहुमतको निर्णयलाई पार्टी निर्णयका रूपमा विधानले व्यवस्था गरेको छ ।
यसअघि कतिपय विषयमा असहमति हुँदा माधवकुमार नेपालले ‘नोट अफ डिसेन्ट’ लेखेर भए पनि पार्टी निर्णय कार्यान्वयनमा सघाएको दृष्टान्त पनि छ ।
अझै समय घर्किसकेको छैन । एकता नेताहरूले नै गर्नुभएको हो । जसरी आफैंले जन्माएको बच्चाको ज्यान तल-माथि गर्ने अधिकार आमा-बाबुलाई छैन, त्यसरी नै एकतामा खलल पार्ने अधिकार एकता गर्ने नेताहरूलाई छैन ।
