थप ११६ जनामा कोरोना संक्रमण, एकैदिन ६९७ जना डिस्चार्ज
काठमाडौं । नेपालमा पछिल्लो २४ घण्टामा थप ११६ जनामा कोरोना संक्रमण पुष्टि भएको छ । देशका २६ वटा प्रयोगशालामा गरिएको परीक्षणमा थप ११६ जनामा कोरोना संक्रमण पुष्टि भएको हो । योसँगै कोरोना संक्रमितको संख्या १७,१७७ पुगेको छ ।
पछिल्लो २४ घण्टामा पीसीआर विधिबाट ५०९० जनाको नमुना परीक्षण गरिएको छ । त्यस्तै क्वारेन्टाइन २४,५२७ रहेका मन्त्रालयले जनाएको छ । आइसोलेसनमा ६,११३ जना रहेका छन् । त्यस्तै बुधबार ६९७ जना डिस्चार्ज भएका छन् । अहिलेसम्म डिस्चार्ज हुनेको संख्या ११,०२५ पुगेको छ । रेडजोनमा ५२६ रहेको मन्त्रालयले जनाएको छ ।
