पेट्रोलियम पदार्थमा गरिएको मूल्यवृद्धिको विरोधमा नेविसंघको प्रदर्शन

काठमाडौं । पेट्रोलियम पदार्थमा गरिएको मूल्यवृद्धिको विरोधमा प्रमुख प्रतिपक्षी नेपाली कांग्रेसको भातृ संगठन नेपाल विद्यार्थी संघले आइतबार काठमाडौंमा प्रदर्शन गरेको छ । कोरोना कहरका बेला जनता दैनिक गुजारा चलाउन समस्यामा रहेका बेला मूल्यबृद्धि गरिएको भन्दै फिर्ता लिन माग गर्दै नेविसंघले माइतीघरमा प्रदर्शन गरेको हो ।

झन्डा र ब्यानरसहित कालोपट्टि बाँधेर सहभागी भएका प्रदर्शनकारीले ‘नाफा घाटा जान्दैनौं मूल्यवृद्धि मान्दैनौं’ भन्दै नारा लगाएका थिए । गतसाता नेविसंघले मूल्यबृद्धि फिर्ता लिन माग गर्दै नेपाल आयल निगमलाई ज्ञापनपत्र बुझाएको थियो । निगमले दुई साताको अवधिमा दुई पटक इन्धनको मूल्य बढाएको छ ।
फोटोः सुन्दर खेवाङको फेसबुकबाट