आँट पुग्छ भने भारतले नाकाबन्दी गरोस् !
डा. युवराज संग्रौला ।
नेपाल एउटा स्वतन्त्र राष्ट्र हो । उसलाई आफ्नो सिमानाको रक्षा गर्ने अधिकार छ । नेपालको राजनीतिमा फोहोरी खेलमा खेल्ने अधिकार भारतीय संचार माध्यमलाई छैन । नेपालको प्रधानमन्त्री त कुटनैतिक सम्बन्ध भएको देश चीनको राजदूतका भेटघाटलाई जुन तरिकाले प्रस्तुत गरियो, यो भारतीय सरकारको लाचारी हो ।
१. २०० वर्ष बेलायतले लुट्यो, अपमान गर्यो, तर भारतीयहरुलाई त्यसको अपमान महसुस छैन ।
२. एक पटक चीनसँग युद्ध भयो, सधैं शत्रुता हुन्छ ? दुई सय बर्ष उपनिवेश बनाउने मित्र हुन्छ, सिमाना जोडिएको देश शत्रु हुन्छ ?
३. नेपालका महान्यायाधिवक्ताको काम के हो ? देशको प्रधानमन्त्री माथि यस्तो अपमान हुनु देशको अपमान होइन ? राजदूत महोदय के गर्दै हुनुहुन्छ दिल्लीमा ?
४. सिमानामा प्रमाण पुर्याउन नसक्ने भएपछि, प्रोपोगान्डा वारमा भारत लागेको छ । भारतीय संचार माध्यम ट्रम्को रणनीतिलाई चीनकाबिरुद्ध प्रयोग गर्दैछन् ।
भारतले एसियासँग बस्न सिकेन भने, उसको दुर्दशा हुनेछ । भित्र पसेर दुनियाँ बुझ्नु आवश्यक छ । भारत अमेरिकी चालको गोटी बनेको छ । नेपालमाथि पश्चिमी रणनीति र तिब्बती मुद्दालाई उठाउन चीनलाई विवादमा ल्याउने रणनीतिको राम्रो खेल हुँदैछ ।
तर भारतीय रबैया यही हो भने अब यसकाविरुद्ध लड्नु पर्ने हुन्छ । एनजिओ चलाएर बसेकालाई यस घटनाले किन छोएन ? यसैबाट थाहा हुँदैन र ? भारत एक्लै नेपालमाथी प्रहार गरिरहेको छैन । आँट पुग्छ भने भारतले नाकाबन्दी गरोस् । हामीले अब स्वतन्त्र बाँच्न सिक्नै पर्छ ।
