पञ्चर्यालीको झल्को दिने ओलीर्याली !
भानुभक्त आचार्य ।
झन्डै दुइतिहाइ बहुमतको शक्तिशाली सरकारका प्रधानमन्त्री केपी शर्मा ओलीका समर्थनमा देखिएका झुण्डहरुले ०४६ सालमा तत्कालीन प्रधानमन्त्री मरिचमानसिंह श्रेष्ठले आयोजना गरेको पञ्चर्यालीको झल्को दिँदैछन् ।
फरक यत्ति हो, त्यो बेला मान्छे अलि धेरै थिए । “पञ्चायत निर्विकल्प व्यवस्था हो । यो भन्दा ठूलो लोकतन्त्र छैन भनेर” मरिचमान र अन्य पञ्चनेताहरुले भाषण गर्दै हिंडे । त्यसैबेला भारतले भएभरको बल लगाएर एकातिर नाकाबन्दी र अर्कातिर तत्कालीन सरकारको आलोचना गर्यो । रेडियो नेपालमा “मुट्ठीभर कुतत्वहरु पञ्चायती व्यवस्थाका विरुद्ध अनर्गल प्रचार गर्दै हिडेकाले आफ्ना छोराछोरीहरुलाई त्यस्तो समूहमा जान नदिन, सम्झाइबुझाइ गरिदिनुहुन आह्वान गर्दै” बारम्बार सूचना प्रसारण गरियो । प्रधानमन्त्री सिंहले देशका अलि ठूलाठालू जस्ता हरेकलाई व्यक्तिगत चिट्ठी लेखेर पञ्चायती व्यवस्थाको समर्थनमा माहौल बनाउन आग्रह गरे । अन्ततः पञ्चायत ढल्यो ।
अहिले केपी ओली गुट त्यही प्रक्रियामा छ । भारतसँगको राजनीतिक सम्बन्ध त लगभग शून्य नै छ । (नेपालको हितका लागि भारत र चीन दुवैको रणनीतिक उपयोग जरुरी छ । एउटाका पक्षमा लागेर अर्कोप्रति विषवमन होइन ।) दुईतिहाइ सरकारको रक्षार्थ केही दर्जन मानिस ठाउँठाउँमा पञ्चर्यालीमा झैं देखा परेका छन् । भ्रष्टाचारको मामिलामा ओली सरकारले सबै रेकर्ड उछिनेको छ ।
गत चुनावको घोषणापत्रमा उल्लेख गएका कुनै काम भएका छैनन् । सिद्धान्ततः आफ्नो पदभन्दा पार्टी ठूलो, पार्टी भन्दा देश ठूलो हो । अहिले त पदका लागि सबै कुरा त्याग्य ओली गुट तयार भएजस्तो देखिन्छ । केपी ओली गुटको रक्षा गर्दा गणतन्त्रै खतरामा नपरोस् ।
यो पनि
