थप २०४ जनामा कोरोना संक्रमण, संक्रमितको संख्या १६,१६८ पुग्यो
काठमाडौं । नेपालमा पछिल्लो २४ घण्टामा थप २०४ जनामा कोरोना संक्रमण पुष्टि भएको छ । देशका विभिन्न प्रयोगशालामा गरिएको परीक्षणमा थप २०४ जनामा कोरोना संक्रमण पुष्टि भएको हो । योसँगै कोरोना संक्रमितको संख्या १६,१६८पुगेको छ ।
तेह्रथुम, भोजपुर, सोलुखुम्बु र हुम्लामा संक्रमितको संख्या शून्य रहेकोले यी चार जिल्ला कोरोना मुक्त जिल्ला भएका छन् । पछिल्लो २४ घण्टामा पीपीआर विधिबाट ६ हजार १ सय ३३ वटा नमुना परीक्षण भएका छन् । मंगलबारसम्म कुल २ लाख ६१ हजार ८ सय ६१ वटा पीसीआर परीक्षण भएको मन्त्रालयले जनाएको छ ।
२५ हजार ७ सय २७ जना क्वारेन्टिनमा रहेका छन् । विभिन्न अस्पतालमा ८ हजार ६ सय ३४ जना संक्रमित उपचाररत छन् । मंगलबार ६ सय ८८ गरी ७ हजार ४ सय ९९ जना संक्रमित निको भएर घर फर्किएका छन् । मन्त्रालयका प्रवक्ता डा. जागेश्वर गौतमले पछिल्लो समय संक्रमणको दर घटेको र निको भएर घर फर्किनेको संख्या बढेको जानकारी दिएका छन्
