पाटन अस्पतालमा उपचारका क्रममा मृत्यु भएका युवकमा कोरोना संक्रमण पुष्टि

काठमाडौं । पाटन अस्पतालमा उपचारका क्रममा मृत्यु भएका गोरखाका एक पुरुषमा कोरोना संक्रमण पुष्टि भएको छ । अस्पतालका निर्देशक डा. विष्णु शर्माका अनुसार मृतक ती पुरुषमा कोरोना भाइरस पोजिटिभ देखिएको हो ।

गोरखाको भीमसेन गाउँपालिका २ का २७ वर्षीय ती युवकले आत्महत्याको प्रयास गरेका थिए । गम्भीर अवस्थामा रहेका उनलाई असार २० गते पाटन अस्पतालमा भर्ना गरिएको थियो । उनको  सोमबार राति मृत्यु भएको अस्पतालले जनाएको छ । अस्पताल भर्ना गर्ने वित्तिकै कोरोना परीक्षणका लागि स्वाब संकलन गरिएको थियो ।