विश्वमा एक करोड मानिसलाई कोरोना संक्रमण, ५७ हजारको अवस्था गम्भीर



विश्वमा कोरोनाभाइरसबाट संक्रमित हुनेहरुको संख्या एक करोड नाघेको छ । महामारीको रुपमा फैलिएको भाइरसबाट विश्वभरी एक करोड ८१ हजार ५ सय ४५ जना संक्रमित भएका छन् । संक्रमित मध्ये ५ लाख १ हजार २ सय ९८ जनाको मृत्यु भएको छ ।

यसैगरी संक्रमितको आधा भन्दा बढी ५४ लाख ५८ हजारबढी कोरोनालाई जित्न सफल भएका छन् । वल्डोमिटरको तथ्याङ्क अनुसार अझैपनि विश्वभर ४१ लाख २१ हजार भन्दाबढी मानिसहरु कोरोनाभाइरसको उपचार गराइरहेका छन् । उनीहरुमध्ये ९९ प्रतिशत अर्थात ४० लाख ६४ हजारको अवस्था सामान्य छ भने ५७ हजार ७ सय जनाको अवस्था गम्भीर रहेको छ ।

संक्रमण शुरु भएको ६ महिना बितिसक्दा अझैपनि दैनिक डेढ लाख बढी संक्रमित थपिइरहेका छन् भने ४ हजार हाराहारीमा दैनिक मृत्यु भइरहेको छ । कोरोनाभाइरसकै कारण विश्वमा सबैभन्दा बढी अमेरिकामा सङ्क्रमित र मृत्यु भएका छन् ।

अमेरिकामा हालसम्म २५ लाख ९६ हजार बढी मानिसहरु संक्रमित भएका छन् भने १ लाख २८ हजार बढीको मृत्यु भइसकेको छ । यस्तै, ब्राजिलमा ५७ हजार बढी, बेलायतमा ४३ हजार ५ सय, इटलीमा ३४ हजार ७ सय , फ्रान्समा २९ हजार ७ सय, स्पेनमा २८ हजार ३ सय, मेक्सिकोमा २५ हजार ७ सय, भारतमा १६ हजार १ सय र इरानमा १० हजार ३ सय बढीको मृत्यु भएको छ ।

हालसम्म कुनै औषधि पत्ता लागिनसकेको कोरोनाभाइरस विरुद्धको भ्याक्सिन बनाउन विश्वभर १ सय २० भन्दा बढी संस्था लागिरहेका छन् । यसैबर्षको अन्त्यसम्ममा भ्याक्सिन बनाएर जनजीवन सामान्य बनाउनका लागि अनुसन्धानकर्ता वैज्ञानकहरु तल्लिन छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बँदेललाई थापेको विद्युतीय पासोमा परि बर्दियामा एकै परिवारका तीनको मृत्यु

बर्दिया । बँदेल मार्न राखेको विद्युतीय धरापमा परि बर्दियामा एकै परिवारका तीन जनाको

करिश्मालाई केपी ओलीको फोनः परीक्षा कस्तो भैरहेको छ ?

फोन आउँदा मेरो मोबाइल स्क्रिन मा केपी शर्मा ओली भन्ने आयो म छक्क

हनुमाढोका परिसरमा उठाइयो इन्द्रजात्राको लिङ्गो(फोटोफिचर)

काठमाडौँ । हनुमानढोका दरबार क्षेत्रमा वर्षा र सहकालका देवता इन्द्रको नाममा गरिने इन्द्रजात्राको

कांग्रेस शीर्ष नेताबीच क्रियाशील सदस्यता विवाद शीघ्र टुङ्ग्याउने सहमति

काठमाडौं । नेपाली कांग्रेसका शीर्ष नेताबीच पार्टीको क्रियाशील सदस्यता विवाद शीघ्र समाधान गरी