थप ६२९ जनामा कोरोना संक्रमण, संक्रमितको संख्या १०,७२८ पुग्यो
काठमाडौं । पछिल्लो २४ घण्टामा नेपालमा ६२९ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणका क्रममा ६२९ जनामा कोरोना संक्रमण पुष्टि भएको हो ।
योसँगै कोरोना संक्रमितको संख्या १०७२८ पुगेको छ । त्यस्तै पछिल्लो २४ घण्टामा पीसीआर विधिबाट ६ हजार ८२८ जनाको परीक्षण गरिएको छ भने आरडिटीबाट १२ हजार ११२ जनाको परीक्षण गरिएको छ ।
त्यस्तै क्वारेन्टाइनमा रहनेको संख्या ७८ हजार रहेको मन्त्रालयले जनाएको छ । त्यस्तै आइसोलेनस ८ हजार छन् भने बुधबार ११४ जना डिस्चार्ज भएका छन् भने जम्मा डिस्चार्ज हुनेको संख्या २ हजार ३३८ पुगेको छ । रेडजोनमा ५०९ जना रहेका मन्त्रालयले जनाएको छ ।
