थप  ५३८ जनामा कोरोना संक्रमण, संक्रमितको संख्या १० हजार ९९ पुग्यो

काठमाडौं । नेपालमा पछिल्लो २४ घण्टामा ५३८ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा ५३८ जनामा कोरोना संक्रमण पुष्टि भएको हो । योसँगै कोरोना संक्रमितको संख्या १० हजार ९९ पुगेको छ । क्वारेन्टाइनमा रहेनेको संख्या ८५ हजार रहेको छ । त्यस्तै २४ घण्टामा ७६ जना डिस्चार्ज भएका छन् ।

त्यसैगरी कोरोना संक्रमणबाट थप एक जनाको मृत्यु भएको छ । दैलेखको दुल्लुका एक जनाको कोरोना संक्रमणबाट मृत्यु भएको हो । योसँगै कोरोना संक्रमणबाट मृत्यु हुनेको संख्या २४ पुगेको छ ।