विश्वमा कोरोना संक्रमितको संख्या ७९ लाख ८२ हजार पुग्यो

विश्वभर कोरोना भाइरसको संक्रमणबाट मृत्यु हुनेको संख्या ४ लाख ३५ हजार नाघेको छ । पछिल्लो तथ्यांक अनुसार विश्वभर कोरोना संक्रमणबाट कारण चार लाख ३५ हजार एक सय १६ जनाको मृत्यु भएको छ ।

त्यस्तै संक्रमितको संख्या ७९ लाख ८२ हजार पुगेको छ । पछिल्लो २४ घण्टामा विश्वभर एक लाख २२ हजार तीन सय ८८ जना नयाँ संक्रमित थपिएका छन् । भारतमा संक्रमितको संख्या तीन लाख ३३ हजार नाघेको छ । भारतमा अहिलेसम्म संक्रमणको कारण नौ हजार पाँच सय २० जनाले ज्यान गुमाएका छन् ।