कोरोना संक्रमणबाट मृत्यु हुनेको संख्या सात पुग्यो, दैलेखका मृतकको रिपोर्ट पोजेटिभ
सुर्खेत । दैलेखको क्वारेन्टिनमा शनिबार बिहान मृत्यु भएका पुरुषको कोरोना रिपोर्ट पोजेटिभ आएको छ । दुल्लु नगरपालिका–११ का ३५ वर्षीय पुरुषको बिहान अकस्मात मृत्यु भएको थियो । उनका ७९ जना साथीहरुसहित १० दिन अघिमात्रै भारतको गुजरातबाट गाउँ फर्किएका थिए । कर्णाली स्वास्थ्य विज्ञान प्रतिष्ठान जुम्लाको प्रयोगशालामा गरिएको पीसीआर परीक्षणमा उनको कोरोना रिपोर्ट पोजेटिभ आएको नगर प्रमुख घनश्याम भण्डारीले जानकारी दिएका छन् ।
मृतकको दाहसंस्कारका लागि जिल्ला प्रशासनसँग सहकार्य भइरहेको भण्डारीले बताए । दुल्लु नगरपालिका–७ मा रहेको नेपाल विद्युत प्राधिकरणको भवनमा निर्माण गरिएको क्वारेन्टिनमा बसेका उनी जेठ ७ गते भारतबाट आएर नगरपालिकाले बनाएको क्वारेन्टिनमा बसेका थिए । योसँगै कोरोना संक्रमणबाट मृत्यु हुनेको संख्या सात पुगेको छ ।