कोरोना संक्रमणबाट विश्वमा मृत्यु हुनेको संख्या तीन लाख ६१ हजार नाघ्यो
विश्वमा कोरोना भाइरसको संक्रमणका कारण मृत्यु हुनेको संख्या ३ लाख ६१ हजार नाघेको छ । पछिल्लो तत्थ्यांक अनुसार अमेरिकामा कोरोना संक्रमणका कारण मृत्यु हुनेको संख्या १ लाख ३ हजार नाघेको छ । त्यस्तै संक्रमितको संख्या १७ लाख ६८ हजार पुगेको छ ।
त्यसैगरी बेलायतमा ३७ हजार ८ सय भन्दा बढीको मृत्यु भएको छ भने २ लाख ६९ हजार संक्रमित पुगेका छन् । इटालीमा ३३ हजार बढीको मृत्यु, फ्रान्समा मृत्यु हुनेको संख्या २८ हजार ६ सय नाघेको छ ।
रसियामा चार हजारको मृत्यु भएको छ भने ३ लाख ७९ हजार बढी संक्रमित भएका छन् । पछिल्लो २४ घण्टामा ब्राजिलमा २४ हजार भन्दा बढी कोरोना संक्रमित थपिएका छन् । यो सँगै ब्राजिलमा कोरोना संक्रमितको संख्या ४ लाख ३८ हजार नाघेको छ ।
ब्राजिलमा पछिल्लो २४ घण्टामा एक हजार भन्दा बढी संक्रमितको मृत्यु भएको छ । ब्राजिलमा कोरोना संक्रमणबाट मृत्यु हुनेको संख्या करिव २७ हजार पुगेको छ । भारतमा ४ हजार ७ सय भन्दा बढीको मृत्यु भएको छ भने कोरोना संक्रमितको संख्या १ लाख ६५ हजार नाघेको छ ।
