गण्डकी प्रदेशमा चार जना कोरोना संक्रमित थपिए, संक्रमितको संख्या १६ पुग्यो
काठमाडौैं । गण्डकी प्रदेशका चार जना कोरोना संक्रमित थपिएका छन् । स्याङ्जाको वालिङस्थित क्वारेन्टाइनमा रहेका बर्ष २६ र २२ का २ जना पुरुष तथा बर्ष ३९ की एक जना महिलामा कोरोना संक्रमणको पुष्टि भएको गण्डकी स्वास्थ्य निर्देशनालयले जनाएको छ । उनीहरु सबैजनालाई सदरमुकामस्थित सरकारी अस्पतालमा ल्याउने तयारी भैरहेको छ ।
त्यसैगरी नवलपरासीको बर्दघाट सुस्ता (पूर्व) देबचुली नगरपालिकास्थित क्वारेन्टाइनमा रहेका बर्ष १९ का एक जना पुरुषमा समेत कोरोना संक्रमणको पुष्टि भएको छ। उनलाई भरतपुरस्थित कोरोना अस्पतालमा लागिएको छ । यससंगै गण्डकी प्रदेशमा कोरोना संक्रमितको संख्या १६ पुगेको छ ।
