खोप पत्ता लागेपनि कोरोना भाइरस निर्मूल पार्न नसकिने डब्लुएचओको चेतावनी

विश्व स्वास्थ्य संगठनले खोप पत्ता लागेपनि कोरोना भाइरस निर्मूल पार्न नसकिने बताएको छ । डब्लुएचओका आपतकालीन निर्देशक डाक्टर माइक रायनले कोरोना भाइरस नियन्त्रणका लागि भविष्यवाणी नगर्न आग्रह गरेका हुन् । अहिले महामारी नियन्त्रण भएपनि पूर्ण रुपमा निर्मूल पार्न नसकिने उनले बताए ।

विगतमा फैलिएका एचआइभी एड्स, दादुरा लगायतका रोगहरु नियन्त्रणमा आएपनि अझै कायमै रहेकाले कोरोना भाइरस पनि निर्मूल पार्न नसकिने डब्लुएचओको दाबी छ ।

महामारी नियन्त्रणमा आइनसकेकाले विश्वका कतिपय देशले जारी लकडाउन खुकुलो पार्ने निर्णयप्रति उसले आपत्तिसमेत जनाएको छ । उसले भाइरस नियन्त्रणको प्रयास जारी रहेका बेला लकडाउन खुकुलो पार्दा फेरि समस्या आउने चेतावनी दिएको छ ।