कोरोना संक्रमणका कारण अमेरिकामा ५४ हजार भन्दा बढीको मृत्यु, ७ लाख ८८ हजार संक्रमित

कोरोना भाइरसको संक्रमणका कारण विश्वमा मृत्यु हुनेको संख्या २ लाख नाघेको छ । आइतबार बिहानसम्म कोरोना संक्रमणका कारण २ लाख ३ हजार १ सय ३७ जनाले ज्यान गुमाएका छन् । अमेरिकामा सबैभन्दा धेरै ५४ हजार २४६ को मृत्यु भएको छ ।

अमेरिकामा ७ लाख ८८ हजार संक्रमित छन् । इटलीमा २६ हजार ३८४, फ्रान्समा २२ हजार ६ सय १४, स्पेनमा २२ हजार ९ सय २ तथा बेलायतमा २० हजार ३ सय १९ जनाको मृत्यु भएको छ । संक्रमितको संख्या विश्वमा २९ लाख १८ हजार नाघेको छ  ।