आशावादी होऔँ, कोरोनामाथि विजय प्राप्त गरी नयाँ बिहानी देख्न पाइन्छ
डा. सुदीप अर्याल ।
देश गरिब छ , जनता गरिब छ , सरकार गरिब छन् । अस्पतालहरुको क्षमता धेरै छैन । यति हुँदापनि समयमा लकडाउन गरियो , बोर्डर बन्द गरियो , बिदेशबाट आउने फ्लाइटहरु बन्द गरियो।
सरकारले यी काम गर्यो , र समयमै गर्यो । भ्रष्टाचारको बिबाद भएपनि जाँच सामग्री ल्याउन सक्यो । कोरोना महामारीको बयावह अवस्था देशमा अहिलेसम्म आएको छैन। भविष्यमा पनि नआओस्।
सरकारले अझै धेरै गर्नसक्थ्यो , अझै धेरै गर्नुपर्ने थियो , अझै धेरै गर्नुपर्छ । तर जे गर्यो , हालसम्म राम्रो नै गरेको छ । अरु दक्षिण एसियाली देशहरुको तुलनामा राम्रै काम गरेको छ । जनताले पनि सरकारलाई साथ दिउँ , सरकारको निर्णय मानौँ, कोरोनाबाट देश र जनता बच्छ।
सरकारले गल्ती र कमिकमजोरी सच्याउँदै अझै राम्रो गर्दैजाओस्। देश र जनताले कोरोनाबिरुद्धको लडाइँ जित्न सकौँ । आशावादी होऔँ । कोरोनामाथि बिजय प्राप्त गरी नयाँ बिहानी देख्न पाइन्छ। श्री पशुपतिनाथले हामी सबैको रक्षा गरुन्।
