कोरोना संक्रमणका कारण अमेरिकामा मृत्यु हुनेको संख्या ३७ हजार नाघ्यो, सात लाख संक्रमित

विश्वमा कोरोना भाइरसको संक्रमणबाट मृत्यु हुनेको संख्या १ लाख ५४ हजार नाघेको छ । शनिबार बिहानसम्म कोरोना संक्रमणमा विश्वमा मृत्यु हुनेको संख्या १ लाख ५४ हजार १५६ छ पुगेको छ । विश्वमा २२ लाख ४८ हजार ३३० जनामा कोरोना संक्रमण देखिएको छ ।

अमेरिकामा सबैभन्दा धेरै ३७ हजार १३५ जनाको मृत्यु भएको छ । त्यस्तै इटालीमा २२ हजार ७ सय ४५, स्पेनमा २० हजार २, फ्रान्समा १८ हजार ६८१ बेलायतमा १४ हजार ५ सय ७६ जनाको कोरोना संक्रमणबाट मृत्यु भएको छ । पछिल्लो २४ घण्टामा अमेरिकामा २ हजार ५ सय ३५ जनाको मृत्यु भएको छ भने त्यहाँ संक्रमितको संख्या सात लाख पुगेको छ ।