आदरणीय अर्बपतिजीहरू, महासंकटको यो घडीमा यहाँहरुको मौनता जिम्मेवारपूर्ण लागेन

आदरणीय अरबपतिजीहरू
महासंकटको यो घडीमा यहाँहरुको मौनता जिम्मेवारपूर्ण लागेन | यहाँहरुले यसरी सेवा गर्नुभएमा नेपालीजनले सधै स्मरण गरिरहनेछन् |

– राष्ट्रको कोषमा सिधै करोडौं सहयोग गरेर |
– स्वास्थ्यकर्मीलाई नभई नहुने PPE लगायत सामग्री, आइसीयुमा आवश्यक सामग्री, अक्सिजन, आइसीयु बेड आदि सहयोग गरेर |
– बिदेशमा अनुभवी दक्ष जनशक्ति ल्याएर वा उनीहरुसंग तालिमको ब्यबस्था गरेर |
— अस्पतालका मालिकहरुले आफ्नो अस्पतालको न्युनतम ५० % बेड, आइसीयु बेड, भेन्टिलेटर कोरोना संक्रमितको लागि छुट्याएर |
– थप एम्बुलेन्स उपलब्ध गराएर |
– कोरोना परिक्षण किट जति धेरै सम्भव हुन्छ, त्यति उपलब्ध गराएर |
– प्रत्येक जिल्ला अस्पतालमा कोरोना परिक्षण किट पठाएर |
– न्यून आय भएका / दैनिक ज्यालादारी गरेर खाने बर्गको लागि उपभोग्य सामग्री उपलब्ध गराएर |
– मास्कको फिल्टर जति सकिन्छ, उपलब्ध गराएर |
–अत्यावश्यक औषधिहरु ठूलो मात्रामा उपलब्ध गराएर |
– दैनिक उपभोग्य सामग्री जति सकिन्छ, आयात गर्ने ब्यबस्था मिलाएर |
–क्वारेन्टाइन तथा आइसोलेसनमा रहेका व्यक्तिको खर्च स्पोन्सर गरेर |
–स्थानीय उत्पादनलाई बजार पुर्याउने प्रबन्ध मिलाएर |
– बालबालिकाको लागि पोषणयुक्त सप्लिमेन्ट उपलब्ध गराएर |
– आफ्ना कामदारको तलब भत्ता नकाटेर |
–होटेल, कारखाना, होस्टेल, स्कुल, कलेज आदि संरचनालाई आइसोलेसन सेन्टर बनाउन सहयोग गरेर |
– सडक, भवन, अस्पताल परिसर निस्संक्रमण गराउन केमिकल लगायत सहयोग गरेर |
–जेलमा रहेका बन्दीलाई खाध्य सामग्री स्पोन्सर गरेर |
– आफुले आफ्नो क्षेत्रबाट जे गर्न सकिन्छ, त्यो गरेर |