बालबालिकालाई कोरोनाको संक्रमण हुनबाट कसरी बचाउने ?

बालबालिकामा रोगप्रतिरोधात्मक क्षमता पूर्ण बिकास भइसकेको हुँदैन | तसर्थ अभिभावकले निम्न लिखित कुरामा ध्यान पुर्याउनुहोला |
– बालबालिकालाई घरमै राख्नुहोला | आफुले काम गर्ने ठाउँमा लिएर नजानुहोला |
– बाहिर काम गरेर आएपछि मास्क, बाहिरी कपडा, जुत्ता, झोला सकभर घरबाहिर वा छुट्टै कोठामा राख्नुहोला |
– रुघाखोकी लागेमा अलग्गै कोठामा सुत्नुहोला |
– बालबालिकालाई सामान्य रुघाखोकी लाग्दैमा अस्पताल वा क्लिनिक लैजानु जरुरि छैन | त्यहाँ हुने भिडभाडले बालबालिकामा संक्रामक रोग सर्ने डर हुन्छ | घरेलु उपचार तथा प्राथमिक उपचारले निको नभए भिडभाड नहुने गरि जांच गराउने ब्यबस्था गर्नुहोला |
– अस्पतालमा एकजना अभिभावक पालोमा बसेर बालबालिकालाई अस्पताल बाहिर राख्नुहोला अनि जाँच्ने पालो आएपछि मात्र बालबालिकालाई जांच कक्षमा लैजानुहोला |
– भिडभाड हुने सडक, मेलापर्व, भोजभतेर, सपिंग मल, फ्लिम हल, रेस्टुरेन्ट, स्विमिंग पुल लगायत ठाउँमा लिएर नजानुहोला |
– चम्चाले खाना खाने अभ्यास गराउनुहोला |
– बालबालिकालाई छुँदा, खुवाउँदा, खेलाउँदा, कपडा फेरीदिंदा साबुनपानीले राम्रोसंग हात धुनुहोला |
– हात धुने लगायतका स्वच्छ बानी बालबालिकालाई सिकाउनुहोला |
– बालबालिकालाई इन्फ्लुएन्जा तथा निमोनियाको खोप लगाउनुहोला |
– सन्तुलित खानाको लागि हरियो सागसब्जी, फलफुल, दुध, घ्यु, दही, दाल, गेडागुडी, बदाम, काजु, गेडागुडीको रस दैनिक खुवाउने ब्यबस्था गर्नुहोला |
– बालबालिकाको शरीर, कपडा, बिस्तारा तथा खेल्ने ठाउँ सधै सफा राख्नुहोला |
– बालबालिकालाई कोरोना संक्रमणको डर देखाउने, उनीहरुसामु आफु आत्तिने \ डरलाग्दा कुरा गर्ने जस्ता गतिबिधि नगर्नुहोला |
– बालबालिकालाई भिडभाड र रोगबाट बचाउन गाउँ जानु बढी सुरक्षित हुन्छ |
– बालबालिकाको मृत्युदर नगन्य छ | तसर्थ आफु पनि पेनिक नहुनुहोला |