कोरोनाभाइरसको प्रकोप बढेपछि अमेरिकामा राष्ट्रिय संकटकाल घोषणा



अमेरिकी राष्ट्रपति डोनल्ड ट्रम्पले कोरोनाभाइरसको प्रकोप बढेपछि राष्ट्रिय संकटकाल घोषणा गरेका छन् । कोरानाको प्रकोप नियन्त्रणमा सहयोग पुर्याउन उनले राष्ट्रिय संकटकाल घोषणा गरेका हुन् ।

ट्रम्पले संघीय सरकारले आपतकालीन राहत कोषमा ५० अर्ब डलरसम्म सहयोग गर्न सक्ने बताए । विश्व स्वास्थ्य संगठनले यसअघि कोरोना भाइरसको संक्रमणलाई ‘महामारी’ घोषणा गरेको थियो ।

उनले व्यक्तिगत सरसफाइमा ध्यान दिन सबै अमेरिकी नागरिकहरुलाई आग्रह गरेका छन् । अनावश्यक रुपमा घर बाहिर ननिस्किन र जमघट नगर्न पनि उनले सुझाव दिएका छन् ।

अमेरिकाले युरोपेली देशबाट आउने–जाने सबै यात्रुवाहक जहाज एक महिनासम्मका लागि बन्द गरेको छ । ह्वाइट हाउसबाट संकटकाल घोषणा गर्दै ट्रम्पले आगामी आठ हप्ता महत्वपूर्ण रहेको बताए ।

अमेरिकामा कोरोना भाइरसका कारण ४० जनाको मृत्यु भएको छ भने १७ सय संक्रमित छन् । विश्व स्वास्थ्य संगठनका अनुसार हालसम्म कोरोना भाइरसबाट विश्वभर १ लाख ३२ हजार ५ सय ३६ जना संक्रमित भएका छन् भने ४ हजार ९ सय ४७ जनाको मृत्यु भएको छ । यो १ सय २३ देशमा फैलिएको छ । गत डिसेम्बर अन्तिम साता चीनमा देखिएको यो भाइरसले अहिले युरोपमा महामारीको रुप लिएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
गण्डकीका मुख्यमन्त्री पोखरेलले पाए विश्वासको मत

काठमाडौं । गण्डकी प्रदेशका मुख्यमन्त्री कृष्णचन्द्र पोखरेल नेपालीले विश्वासको मत पाएका छन् ।

चीनमा ९७ करोडले लगाए कोभिडविरुद्धको खोप

चीनमा बिहीबारसम्म ९६ करोड ६७ लाखभन्दा बढी व्यक्तिलाई कोभिड–१९ विरुद्धको खोप लगाइएको छ

अफगान सेनाको कारबाहीमा १० तालिबान लडाकूको मृत्यु

अफगान सेनाले गरेको कारबाहीमा राजधानी काबुल नजिक दश जना तालिबान लडाकू मारिएका छन्

जाम्बियाका प्रथम राष्ट्रपति काउन्डाको निधन

अफ्रिकी मुलुक जाम्बियाका प्रथम राष्ट्रपति केन्नेथ काउन्डाको निधन भएको छ । उनको ९७