जिल्ला सभापतिहरुले दिएको सुझावबाट उत्साहित भएको छुः रामचन्द्र पौडेल



काठमाडौं । नेपाली कांग्रेसका वरिष्ठ नेता रामचन्द्र पौडेलले केन्द्रीय कार्यसमितिको बैठकबाट भएका निर्णय विरुद्धमाआफू निकट जिल्ला सभापतिहरुले समर्थन जनाएको बताएका छन् ।

बुधबार सम्पन्न जिल्ला सभापतिहरुको भेलापछि वरिष्ठ नेता पौडेलले जिल्ला सभापतिहरुले दिएको सुझावबाट आफू उत्साहित भएको बताए । उनले पुस ११ गते पार्टीको केन्द्रीय कार्यसमिति बैठकले गरेका निर्णयहरु खारेज गर्न जिल्ला सभापतिहरुले समर्थन जनाएका दाबी गरे ।

केन्द्रीय कार्यसमितिको नाममा भएका निर्णयहरु पार्टीको हितमा नभएको र १४ औं महाधिवेशनलाई अनिश्चित बनाएको बताए ।

त्यस्तै नेता कृष्णप्रसाद सिटौलाले कम्युनिष्टको सरकारबाट उत्पन्न परिस्थितिहरु माथि एक भएर लड्नुपर्ने अवस्थामा पार्टी सभापति शेरबहादुर देउवाले आफ्नो गुटको मात्र बैठक बसाई निर्णय गरेको आरोप लगाए ।

उनले सभापति देउवालाई पार्टीको नभई आफ्नो गुटको मात्र सभापति बनेको आरोप लगाए । नेपाली कांग्रेसको पुस ११ गते बसेको केन्द्रीय कार्यसमितिको बैठकले बहुमतको आधारमा २०७७ फागुन ७ देखि १० गते सम्म महाधिवेशन गर्ने लगायत विभागहरुको संख्या बढाई ४७ पुर्याउने निर्णय गरेको थियो । त्यस यता वरिष्ठ नेता रामचन्द्र पौडेल पक्षले एकलौटी निर्णय भएको भन्दै आफू निकट जिल्ला सभापतिहरुको भेला बोलाएको हो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
राप्रपा र रवीन्द्र मिश्र समूहबीच एकता घोषणा

काठमाडौं । राष्ट्रिय प्रजातन्त्र पार्टी (राप्रपा) र विवेकशील साझा पार्टीका निवर्तमान अध्यक्ष रवीन्द्र

पार्टी सभापतिले एकलौटी गरेको भन्दै पार्टी कार्यालयमा शेखर पक्षको धर्ना

काठमाडौं । समानुपातिकतर्फका उमेदवारको बन्दसूची सभापति शेरबहादुर देउवाले एकलौटी रुपमा बुझाएको भन्दै नेपाली

विश्वविख्यात स्की पर्वतारोही हिलारीको मनास्लुमा स्की खेल्ने क्रममा निधन

काठमाडौं । विश्वविख्यात स्की पर्वतारोही हिलारी नेल्सन मृत फेला परेकी छन् । मनास्लु

अमेरिकी उपसहायक विदेशमन्त्री एलिजाबेथ ट्रुडो नेपालमा

काठमाडौं । अमेरिकी विदेश मन्त्रालयको ग्लोबल पब्लिक अफेयर्स मामिलाका लागि निमित्त उपसहायक विदेशमन्त्री