निर्भया बलात्कार घटनाका दोषीलाई जनवरी २२ मा फाँसी दिइने



भारतको नयाँदिल्लीमा आठ वर्षअघिको सामूहिक बलात्कार घटनामा अदालतले दोषी ठहर गरेका चारै जनालाई जनवरी २२ तारिखमा मृत्युदण्डको सजाय दिइने भएको छ ।

नयाँदिल्लीस्थित पटियाला हाउस अदालतले बलात्कारमा संलग्न अक्षय, मुकेश सिंह, विनय शर्मा र पवन गुप्ताविरुद्ध मृत्युदण्डको आदेश जारी गरेको हो । अदालतले २०१२ डिसेम्बर १६ मा एक युवतीको बलात्कार गरेको र यातना दिएको आरोपमा उनीहरुलाई जनवरी २२ को बिहानै ७ बजे झुन्डाएर मृत्युदण्ड दिन आदेश दिएको हो ।

पटकपटकको सुनुवाइपछि अदालतका न्यायाधीश सतीशकुमार अरोराले बलात्कारीलाई झुन्ड्याउनु भन्ने ’ब्ल्याक वारेन्ट’ जारी गरेका हुन् । यो वारेन्टमाथि १४ दिनभित्रमा आरोपीले सर्वोच्च अदालत जान सक्छन् वा राष्ट्रपति समक्ष जीवनरक्षाको याचना गर्न सक्छन् । २३ वर्षकी मेडिकल विद्यार्थीको बसमा ६ जनाले सामूहिक बलात्कार गरेका थिए।

उनलाई मरणासन्न बनाएर सडकमा फालिएको थियो । यसको विरोधमा भारतभर ठूलो विरोध प्रदर्शन भएको थियो । पछि मात्र ती युवतीलाई निर्भया नाम दिइएको थियो ।

६ आरोपीमध्ये एक वयस्क नभएकाले यो सजायबाट जोगिएका छन् । अर्का एक आरोपी रामसिंहले हिरासतमै आत्महत्या गरिसकेका छन् । केहीअघि हैदराबादमा एक युवतीको बलात्कारपछि हत्या गर्ने चार जनालाई प्रहरीले त्यही ठाउँमा लगेर गोली हानी मारेको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
विराट राजाको दरबार उत्खनन् गर्दा के के भेटियो ?

विराटनगर । मोरङको बुधनगर भेडियारीस्थितका विराट राजाको दरबार भनिएको स्थानमा अहिले उत्खनन भइरहेको

चीनले नेपाललाई अनुदानमा दियो २० लाख सिरिन्ज

काठमाडौं । चीनले नेपाललाई अनुदानमा २० लाख सिरिन्ज उपलब्ध गराएको छ । चीनले

फाइभजी मोबाइल सेवा हवाई उडानलाई कति असुरक्षित ?

अमेरिकाका १० वायुसेवा कम्पनीहरूले फाइभजी सेवाले हवाई सुरक्षामा खराब परिणाम दिन सक्ने चेतावनी

कोरोना महामारी कम नभएसम्म जनपरिचालनका कामहरुको जिम्मा प्रचण्डलाई

काठमाडौं । नेकपा माओवादी केन्द्रले कोरोनाको महामारी कम नभएसम्म जनपरिचालनका कामहरुको जिम्मा पार्टी