अमेरिकी अखडामा आक्रमण भए इरानका ५२ स्थानमा आक्रमण गर्ने अमेरिकी राष्ट्रपति ट्रम्पको चेतावनी
अमेरिकी राष्ट्रपति डोनाल्ड ट्रम्पले तेहरानले अमेरिकी अखडामा आक्रमण गरेको इरानका ५२ स्थानमा अमेरिकाले निशाना बनाउने चेतावनी दिएका छन् । ट्रम्पले ट्वीट गर्दै यो चेतावनी दिएका हुन् ।
उनले इरानका ती ५२ स्थान निकै उच्च तहका र इरान तथा इरानी संस्कृतिको लागि निकै महत्वपूर्ण रहेको समेत उल्लेख गरेका छन् । ट्रम्पले अमेरिकाले थप धम्की नचाहेको समेत उल्लेख गरेका छन् ।
ट्रम्पले ५२ स्थान सन् १९७९ यता बन्धक बनाइएका ५२ अमेरिकीलाई प्रतिनिधित्व गर्ने समेत जनाएका छन् । यता इराकी सेनाले भने इराकको राजधानी बगदादसमेत कैयौं इलाकामा रकेट आक्रमण भएको जनाएको छ ।
अमेरिकी दूतावासको नजिक ग्रीन जोन, बगदादको नजिक जदरिया र अमेरिकी सुरक्षा बल रहेको बलाद एयरबेसमा यस खालको आक्रमण भएको हो । सेनाका अनुसार यो आक्रमणमा कसैको पनि मृत्यु भने भएको छैन ।
इरान समर्थित मिलिसिया लडाकुले केही सातायता यस्ता आक्रमण गरेका थिए । शुक्रबार बिहान अमेरिकी आक्रमणमा इरानका फोर्स कमान्डर कासम सुलेमानीको मृत्युपछि तनाव बढ्दै गइरहेको छ ।
