नेकपाको केन्द्रीय समिति बैठक पुस २० मा
काठमाडौँ । सत्तारुढ नेकपाको केन्द्रीय समिति बैठक पुस २० देखि बस्ने भएको छ । मंसिर २९ गतेदेखि जारी नेकपाको स्थायी समिति बैठकले अध्यक्षद्वय केपी शर्मा ओली र पुष्पकमल दाहाल प्रचण्डको प्रस्तावमा पुस २० गतेदेखि केन्द्रीय समिति बैठक बोलाउने निर्णय गरेको हो ।
नेता वर्षमान पुनका अनुसार पुस २० गतदेखि केन्द्रीय समितिको बैठक बोलाउने निर्णय भएको हो । पार्टी एकतापछि नेकपाले पहिलो पटक एजेण्डामाथि छलफल गर्न केन्द्रीय समितिको बैठक बोलाउन लागेको हो ।
नेकपाले केन्द्रीय समिति बैठकमा विधान संशोधनको प्रस्ताव लैजाने तयारी गरेको छ । नेकपामा ४ सय ४५ जना केन्द्रीय सदस्य छन् ।
