एमसीसी र इन्डो प्यासिफिकको विरोध किन ?
काठमाडौं । सत्तारुढ नेपाल कम्युनिष्ट पार्टीको स्थायी कमिटी बैठकमा अमेरिकी सरकारको ‘मिलेलियम च्यालेन्स कोअपरेसन” र इन्डो प्यासिफिक रणनीतिमा नेपाल सामेल हुन नहुनेमा जोड दिइएको छ ।
अध्यक्षद्वय केपी शर्मा ओली र पुष्पकमल दाहाल ‘प्रचण्ड’ को राजनीतिक प्रतिवेदनमाथि छलफल गर्ने क्रममा नेताहरु भीमबहादुर रावल, देवप्रसाद गुरुङलगायतले त्यस्तो रणनीतिमा नेपालको सहभागिता रहेमा नेपालको स्वतन्त्र परराष्ट्र नीतिको प्रतिकूल हुने बताएका हुन् ।
नेता गुरुङले त्यस प्रकारको नीतिमा सामेल हुनुअघि वा संसद्मा त्यसबारे प्रस्ताव लानुअघि पार्टी र सरकारमा राम्रोसँग छलफल हुनुपर्ने बताएका छन् ।
