गृहमन्त्रीको निर्देशनः प्रहरीले गर्ने सानो गल्तीले ठूलो रूप लिनसक्छ, सतर्क हुनु
काठमाडौं । गृहमन्त्री राम बहादुर थापाले प्रहरीले गर्ने सानो गल्तीले ठूलो रूप लिने भएकाले सतर्क हुनुपर्ने बताएका छन् । शुक्रबार १७९ औं ब्याचबाट पास आउट भएका ९१ जना प्रहरी निरिक्षकको दिक्षान्त समारोहमा गृहमन्त्री थापाले प्रहरी जिम्मेवार भएर काम गर्नुपर्ने बताएका हुन् ।
उनले भने,’सानो गल्ती प्रहरी संगठन र सरकारलाई प्रत्युदपादक हुन्छ।’ त्यसैगरी उनले दिक्षित प्रहरीहरूलाई सम्बोधन गर्दै अधिकृतहरूको तालिममा राज्यले ठूलो लगानी गरेकाले त्यसको प्रतिफल दिनुपर्ने बताए ।
कार्यक्रममा १८ महिने तालिममा विभिन्न विधामा उत्कृष्ट प्रहरी निरिक्षकहरूलाई पुरस्कृत गरिएको थियो।
