यिनीहरुले अधिकारमाथि भैरहेको माफियाकरणका विरुद्धमा बोलेको थाहा पाउनु भएको छ ?
भरत दाहाल ।
आज १० डिसेम्बर
मानवताका शत्रुहरूको दिवस
आज साम्राज्यवाद र त्यसले पालेका जासुसहरुको मान अधिकार दिवस रे ! यीनीहरुले दुई छाक खान नपाउने र बस्ने बास नभएकाहरुको मानव अधिकारको कुरा उठाएको सुन्नु भएको छ ? यीनीहरुले सिटामोल नपाएर मर्नेहरुको पक्षमा जुलुस गरेको देख्नु भएको छ ? यीनीहरुले दैनिकि गुजार्न नसकेर विदेश पलायन हुने नागरिकहरुको स्वदेशमैं काम गर्न पाउनु पर्ने अधिकारको पक्षमा सत्तालाई कुनै ज्ञापनपत्र दिएको पढ्नु भएको छ ? यीनीहरुले शिक्षा, स्वास्थ्य, खानेपानी जस्ता आधारभूत मानव अधिकारहरुमाथि भैरहेको माफियाकरणका विरुद्धमा बोलेको थाहा पाउनु भएको छ ?
यिनीहरूकाे पहिलो काम हो- चोर, बलात्कारी, हत्यारा, काला बजारी, माफिया लुटेरा, नेपालद्रोहीहरुको मानव अधिकारको पक्षमा जुलुस गर्नु। दोश्रो काम हो- साम्राज्यवादको रणनीतिमा समुदायहरु, संस्थाहरु र नागरिकहरुका बिचमा द्वन्दको खेति गर्नु। यीनीहरुको तेश्रो काम हो- पश्चिमा साम्राज्यवादीहरुका मूल्य तथा मान्यताहरुलाई लादेर नेपाली समाजको पहिचान मेटाउनु। यीनीहरु सिके राउत, अफ्ताव आलम जस्ता तत्वहरूका लागि सिर्जना गरिएका बुख्याँचा हुन्। यीनीहरुले दीन, हीन, मलिन, असहाय मानिसहरुलाई न त चिन्छन् न तिनीहरुको कुरा गर्ने ठेक्का नै लिन्छन्।
