निजगढ विमानस्थलको काम तत्काललाई यथास्थितिमा राख्न सर्वोच्चको आदेश



काठमाडौं । सर्वोच्च अदालतले प्रस्तावित निजगढ अन्तर्राष्ट्रिय विमानस्थलको काम तत्कालका लागि रोक्न अन्तरकालीन आदेश जारी गरेको छ ।

वरिष्ठ अधिवक्ता कृष्णप्रसाद भण्डारी, पूर्वसचिव द्वारिकानाथ ढुङ्गेल, राष्ट्रिय योजना आयोगका पूर्वसदस्य प्रभु बुढाथोकी लगायतले दायर गरेको रिटको पहिलो सुनुवाइ गर्दै न्यायाधीश टङ्कबहादुर मोक्तानको एकल इजलासले यस्तो आदेश दिएको हो ।

सर्वोच्चले मङ्सिर २९ गते दुवै पक्षलाई छलफलका लागि बोलाइएको र त्यसले नै अन्तरिम आदेश जारी गर्ने वा नगर्ने निक्र्यौल गर्ने सर्वोच्च अदालतका सहप्रवक्ता देवेन्द्र ढकालले जानकारी दिए ।

सरकारले बारामा प्रस्तावित निजगढ अन्तर्रा्ष्ट्रिय विमानस्थल बनाउने योजना अघि बढाइएदेखि नै वातावरणविद् लगायत कतिपय पूर्वप्रशासक समेतले ठूलो सङ्ख्यामा रूख काटिने र वन्यजन्तुलाई समेत असर गर्ने भन्दै विरोध गर्दै आएका छन् । विरोधका बीच सरकारले त्यसबारे अध्ययन गर्न समिति समेत गठन गरेको थियो ।

समितिले अहिले बनाउन भनेर काम थालिएको क्षेत्रबाट पाँच(सात किलोमिटर दक्षिणपट्टि विमानस्थल बनाउन हुने भनेर सुझाव दिएको थियो । रिट निवेदकहरूले पनि त्यही प्रतिवेदनले सुझाए अनुसारको क्षेत्रमा विमानस्थल बनाउनुपर्ने माग गर्दै रिट दर्ता गरेका थिए।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
‘नेपाली कांग्रेस छिट्टै सरकारमा पुग्छ’

त्रिशूली । नेपाली कांग्रेसका प्रवक्ता तथा प्रतिनिधिसभा सदस्य डा प्रकाशरण महतले नेपाली कांग्रेस

बजेटको आकारमा यथार्थपरकता खोज्छौंः अर्थमन्त्री

काठमाडौँ । उपप्रधानमन्त्री एवं अर्थमन्त्री विष्णुप्रसाद पौडेलले आगामी आर्थिक वर्षको बजेट ल्याउँदा र

अमेरिकी सहयोग नियोग प्रमुख सामन्था आगामी साता नेपाल आउने

न्यूयोर्क । अमेरिकी सहयोग नियोग (युएसएआइडी)की प्रमुख प्रशासक सामन्था पावर आगामी साता नेपाल

नेपाली कृषि उत्पादन विश्व बजारमा पुर्याउन भारतीय पक्षलाई उदारतापूर्वक सहयोग गर्न महासंघको आग्रह

काठमाडौं । भारतको उत्तरपूर्वी क्षेत्र र नेपाल बीचको कनेक्टीभीटी परियोजनाको अध्ययनको सिलसिलामा नेपाल