चर्को छुटको पनि विरोध !



नारायण गाउँले ।

चर्को महँगीको विरोध त हुन्छ नै, तर सामानमा पाइने चर्को छुटको पनि विरोध भएको सुन्नुभएको छ ? त्यो पनि उपभोक्ताले ?
फ्रान्समा वस्तु तथा सेवामा दिइने अत्यधिक छुटको विरोध हुँदो रहेछ । अस्वाभाविक सस्तो हुँदा अनावश्यक खपत बढ्ने र वातावरणलाई ठूलो असर पुग्ने भनेर त्यहाँ यस्तो छुटको भयङ्कर विरोध गरिने रहेछ ।

अमेरिका र युरोपका धेरै देशमा आजको दिन ‘ब्ल्याक फ्राइडे’ का रूपमा चर्चित छ र यो दिन किनमेलमा ७०% सम्म छुट पाइने हुनाले खरबौं रुपियाँको व्यापार हुने गरेको छ । हिजो अर्थात् नोभेम्बर महिनाको चौथो बिहिबार कृषक र भगवान् लाई धन्यवाद ज्ञापन गरेपछि त्यसको भोलिपल्टको शुक्रबारलाई ‘ब्ल्याक फ्राइडे’ भनिन्छ र यस दिन व्यापक रूपमा किनमेल हुने गर्दछ । अमेरिकामा आजमात्रै ६ अर्ब डलरको कारोबार हुने अनुमान छ । धेरै मान्छे किनमेलका लागि आजको दिन पर्खिने गर्दछन् ।

तर फ्रान्समा भने यस्तो छुटविरुद्ध अभियान चल्दो रहेछ । अर्को वर्षदेखि फ्रान्सले ‘ब्ल्याक फ्राइडे सेल’लाई नै प्रतिबन्ध लगाउन सक्ने खबर पढ़ियो । त्यहाँ वर्षमा दुई पल्टमात्रै यसखाले छुट दिन पाइने नियम रहेछ । आज पनि त्यहाँ अमेजनलगायतका ठूला विक्रेताहरूको गेट अगाडि अभियन्ताहरू जम्मा भएर कारोबार ठप्प पारेको समाचार छ ।

सस्तो भएपछि आवश्यक नपर्ने सामान पनि किनिने, उत्पादन बढ्दा गरिब देशको प्राकृतिक स्रोतसाधनको अत्यधिक दोहन हुने, काम लाग्ने र केही वर्ष अझै चल्ने सामान पनि फ़्याँकिने र एकदुई पल्ट छुट दिनका लागि वर्षभर महँगोमा सामान बेचिने लगायतका तर्कहरू त्यसका पछाडि दिइने रहेछ । फ्रान्समैं बस्नेहरूको प्रतिक्रिया पढ्न पाइन्छ कि ?

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
एक रुपैयाँ पनि हिनामिना भएको भेटियो भने मलाई यही रंगशाला निर्माणस्थलमा खाल्डो खनेर पुरिदिए हुन्छ(भिडियोसहित)

काठमाडौं । धुर्मुस सुन्तली फाउन्डेसनका संस्थापक सीताराम कट्टेलले रंगशालाको काम अघि बढ्न नसक्दा

सबै प्रदेशमा आलोपालो प्रणालीद्वारा सरकारलाई पूर्णता दिन्छौंः प्रधानमन्त्री

गोरखा । प्रधानमन्त्री पुष्पकमल दाहाल प्रचण्डले प्रदेश सरकारहरु पनि पुनर्गठन हुने बताएका छन्

केन्द्रदेखि प्रादेशिक सरकारकाबारेमा छलफल गर्न एकीकृत समाजवादीद्वारा कार्यदल गठन

काठमाडौं । नेकपा एकीकृत समाजवादीले सरकारमा सहभागी हुनका लागि तयारी गर्न पार्टी अध्यक्ष

निमुखालाई न्याय, विपन्नलाई आयको वातावरण मिलाउनुपर्छः राष्ट्रपति

काठमाडौं । राष्ट्रपति रामचन्द्र पौडेलले मुलुकमा आएको राजनीतिक परिवर्तनको आभास विपन्न नागरिकले महसुस