मौन अवधिमा निर्वाचन आचारसंहिता पालना गर्न सबैलाई आयोगको आग्रह



काठमाडौं । निर्वाचन आयोगले निर्वाचन आचार संहिताको पूर्ण पालना गर्न /गराउन राजनीतिक दल र आममतदातामा अपील गरेको छ । आयोगले बुधबार पत्रकार सम्मेलन गरी मंसिर १४ गते उपनिर्वाचनका लागि बुधबार मध्यरातिदेखि मौन अवधि सुरु हुने जानकारी गराउदै त्य अवधिमा आचार संहिता उल्लंघनका कुनै पनि क्रियाकलापमा संलग्न नहुन राजनीतिक दल, उम्मेदवार र आम मतदातालाई आव्हान गरेको हो ।

आचारसंहिता विपरितका कार्य गर्नेलाई निर्वाचन कसुर तथा सजाय ऐन २०७३ अनुसार कारबाही गरिने भन्दै आयोगले मौन अवधिमा सामाजिक सञ्जाल वा विद्युतीय माध्यमको प्रयोग गरि मत माग्न, प्रचार प्रसार लगायतका कार्य नगर्न आग्रह गरेको छ ।

प्रमुख निर्वाचन आयुक्त दिनेशकुमार थपलियाले मौन अवधिमा आचार संहिताको पूर्ण पालना गरि निर्धक्क रुपमा मतदाताले मताधिकारको प्रयोग गर्ने अवस्था निर्माण गर्न सबैसँग अपील गरेका छन् ।

प्रमुख निर्वाचन आयुक्त थपलियाले मौन अवधिमा मतदातालाई आश्वासन दिने, प्रलोभनमा पार्ने, दबाब दिने , मतदाता परिचयपत्र कब्जा गर्ने जस्ता घटना भएमा तुरुन्तै जिल्ला उपनिर्वाचन आचारसंहिता अनुगमन समिति वा सम्बन्धित निकायलाई जानकारी गराई सहयोग गर्न पनि आग्रह गरेका छन् ।

आयोगले उपनिर्वाचन पर्यवेक्षणका लागि ४ वटा राष्ट्रिय पर्यवेक्षण संस्थाहरुलाई अनुमति प्रदान गरेको छ । त्यसैगरी मतदानको दिन मतदान केन्द्र भ्रमणका लागि परर्राष्टमन्त्रालय मार्फत अमेरिका, जापान र अष्टे«लिया दूतावास तथा युरोपियन युनियनलाई पनि अनुमति दिएको आयोगले जनाएको छ ।

प्रतिनिधिसभा तर्फ कास्की निर्वाचन क्षेत्र नम्बर २ को प्रतिनिधिसभा सदस्य १ , प्रदेशसभा सदस्य, स्थानिय तह तर्फ उपमहानगरपालिका, गाउपालिका अध्यक्ष, उपाध्यक्ष, नगरपालिकाका वडा अध्यक्ष समेत गरी ५२ रिक्त पदमा मंसिर १४ गते उपनिर्वाचन हुँदैछ । उपनिर्वाचनका लागि २ सय ४७ मतदान स्थल, ५ सय ३७ मतदान केन्द्र तोकिएका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
समानुपातिकतर्फको मतगणना मङ्गलबार सकिने

काठमाडौं । मङ्सिर ४ गते सम्पन्न प्रतिनिधिसभा तथा प्रदेशसभा सदस्य निर्वाचनअन्तर्गत समानुपातिक प्रणालीतर्फ

दीपक मनाङे एकीकृत समाजवादीमा प्रवेश

काठमाडौं । गण्डकी प्रदेशका युवा तथा खेलकुदमन्त्री राजीव गुरुङ (दीपक मनाङे )नेकपा एकीकृत

गठबन्धनलाई निरन्तरता दिने सत्ता गठबन्धनको निष्कर्ष

काठमाडौं । सत्ता गठबन्धनले प्रतिनिधिसभा र प्रदेशसभा निर्वाचनको नतिजाले वर्तमान गठबन्धनको आवश्यकता र

बालुवाटारमा सत्ता गठबन्धनका शीर्ष नेताको बैठक

काठमाडौं । प्रतिनिधिसभा र प्रदेशसभा सदस्यको निर्वाचनपछिको अवस्थाबारे छलफल गर्न पाँच दलीय सत्ता