बाबुराम भट्टराईको प्रश्नः फेरि किन ह्वात्तै बढ्यो प्रधानमन्त्रीको “राष्ट्रवादी” छवीको पारो ?



डा. बाबुराम भट्टराई ।

सुगौली- सन्धीले निर्धारित गरेको महाकाली नदी पूर्वको कालापानी, लिपुलेक,लिम्पियाधुरा लगायतको क्षेत्र नेपालको अभिन्न अंग हो र यसमा कुनै विदेशी दावी र हस्तक्षेप स्वाभिमानी नेपालीलाई मान्य छैन ।

हामी नेपालीहरू वीच यो विषयमा कुनै विवाद हुनुहुँदैन र छैन! अहिलेको जल्दोबल्दो प्रश्न जुनसुकै परिवेशमा भए पनि झण्डै साठी बर्षदेखि कालापानीमा रहेको भारतीय सेना त्यहाँबाट कसरी हटाउने र हालसालै त्यो क्षेत्रलाई भारतको नक्सामा समेटिएको विषयलाई कसरी हल गर्ने भन्ने हो।

यसबारे गत कार्तिक २३ गते वालुवाटारमा भएको सर्वदलीय बैठकमा हामी सबैले प्र म ओलीलाई भारतीय पक्षसंग उच्चस्तरीय राजनीतिक तहमा वार्ता गरेर कुटनीतिक ढंगले समस्या हल गर्न सुझाव दिएका थियौं! तर त्यसवारे प्र म ले अहिलेसम्म केकसो गर्नुभयो केही वताइएको छैन।

अहिले एक्कासी वहाँले भारतीय फौजलाई फिर्ता जान र नेपाली भूमि खाली गर्न आदेश दिएको जस्तो कुरा संचारमाध्यममा आएको छ! र फेरि एकपटक वहाँको “राष्ट्रवादी” छवीको पारो ह्वात्तै बढेको छ।

सीमा र फौज तैनाथी सम्बन्धी विवादको प्रश्न इतिहासमा र संसारभरी सधैं र सबैतिर कि त शान्त र कुशल कुटनीतिको तरिकाले कि त युद्ध र बलप्रयोगको तरिकाले हल हुने गरेको छ । अर्को तेश्रो बाटो छँदैछैन।

हाम्रा प्रमले रोजेको वा रोज्न खोजेको बाटो कुन हो? राज्यसंचालनको नेतृत्व गरिरहेको मान्छेले यसरी सार्वजनिक दन्तबझान गर्नुको अर्थ के हो? यसरी हल्ला गरेर कुटनीति हुन्छ? युद्ध वा बलप्रयोगको बाटो लिन खोजेको हो भने यसरी युद्धको तयारी इतिहासमा र संसारमा कहिले र कहाँ भएको छ? कि फेरि एकचोटि चर्को कुरा गरेर जनतालाई मुर्ख बनाउन र दलगत वा चुनावी लाभ लिन खोजिएको हो?

भनिन्छ- You can fool all the people for some time, or some people all the time, but not all people all the time !

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
गगन थापा सांसदहरुको अन्तर्राष्ट्रिय सञ्जालको बोर्ड सदस्यमा निर्वाचित

काठमाडौं । विभिन्न देशका सांसदहरुको अन्तर्राष्ट्रिय सञ्जालको बोर्ड सदस्यमा नेपालका सांसद गगनकुमार थापा

राहत र उद्धारमा खटिन कार्यकर्तालाई कांग्रेसको निर्देशन

काठमाडौं । नेपाली कांग्रेसले बाढी, पहिराबाट दर्जनौँ जिल्लामा ७७ जनाको मृत्यु, २७ जना

राष्ट्रपतिद्वारा नवदुर्गाको पूजा तथा प्रसाद ग्रहण

भक्तपुर । बडादसैँको अन्तिम दिन कोजाग्रत पूर्णिमाको अवसरमा आज राष्ट्रपति विद्यादेवी भण्डारीले भक्तपुरको

संसदको अवरोध खुलाउन पहल भइरहेको छः सभामुख

सिन्धुपाल्चोक । सभामुख अग्निप्रसाद सापकोटाले संसदमा भएको अवरोध हटाउन औपचारिक र अनौपचारिकरूपमा पहल